Etiqueta: material

Este 2025, AVEMPO poderá adquirir material para programas de rehabilitación grazas á ‘X Solidaria’

A Asociación Viguesa de Esclerose Múltiple de Pontevedra (AVEMPO), membro da Federación Galega de Esclerose Múltiple (FEGADEM), poderá adquirir este ano novo material para as sesións de fisioterapia, como unha camilla eléctrica e un dinamómetro. O proxecto de adquisición de material para programas de rehabilitación con persoas con EM  permitirá tamén renovar parte do equipamento informático do que dispón a asociación, coa adquisición de tablets e ordenadores.

Este programa poderá levarse a cabo grazas ao cofinanciamento da Xunta de Galicia a través dos fondos do 0,7% do IRPF, procedentes das persoas que marcaron o cadro de ‘Actividades de interese xeral consideradas de interese social’ na declaración da renda. Deste programa beneficiaranse cerca de 80 persoas afectadas de esclerose múltiple da área de Vigo e a súa contorna que acuden semanalmente á sede de AVEMPO.

AVEMPO realizou obras de mantemento e actualizou o seu material de fisioterapia en 2024 grazas aos fondos procedentes do 0,7% do IRPF

A Asociación Viguesa de Esclerose Múltiple (AVEMPO) realizou obras a través do programa de mantemento dos centros de rehabilitación para persoas con EM en 2024, no seu centro ubicado no barrio de Bouzas. Ademais, a través do seu “Programa de renovación de material de fisioterapia” puideron adquirir novo equipamento fisioterapéutico. Isto beneficiou a máis de 80 persoas que semanalmente fan uso das instalacións da Asociación.

Estes programas, enmarcados na Liña IV, contan co cofinanciamento da Xunta de Galicia a través da convocatoria de subvencións destinadas a programas de interese xeral con cargo á asignación tributaria do 0,7% do IRPF, grazas ás persoas que marcaron a casilla de actividades de interese social, coñecida como ‘X Solidaria’. Esta subvención foi xestionada pola Federación Galega de Esclerose Múltiple (FEGADEM), no marco do seu ‘Programa de información, orientación e asesoramento para mellorar a calidade de vida das persoas con EM’.

Grazas a este financiamento, foi posible o pintado completo das instalacións da sede de AVEMPO e a adquisición de novo material para o traballo cardiovascular (como unha bicicleta e unha cinta de camiñar), para o traballo de forza e resistencia (como mancuernas ou cintas elásticas) e para o traballo de equilibrio e velocidade de reacción (como un prato de equilibrio e luces de reacción).